BUTUAN CITY – Usa ka Greek reporter ang naghatod ug balita mahitungod ug update sa daoty nga panahon sa live national TV ang gikahimut-san mismo sa TV anchor human nga nakitang gigukod gukod kini sa nakabuhing baboy.
Nahitabo ang insidente sa ANT1 TV sa Greece sa segment nga Good Morning Greece samtang naghatod ug balita ang reporter nga si Lazos Mantikos human sa grabeng pag ulan sa Kineta. Live nga nakita sa national TV ang kahimtang ni Mantikos nga di maka concentrate sa pagbalita tungod sa baboy nga nagsigeg gukod gukod kaniya.
Igo nalang sa pag good morning si Mantikos dayong ingon nga duna silay problema sa ilang lokasyon, nangayo usab ug pasinsya ang reporter nga di siya makalahulay ug barog sa usa ka lugar tungod sa baboy nga sigeg sunod sunod ug sige paak sa iyang bitiis. Bisan ang ilang anchor nga anaa sa studio wala nakatago sa ilang kahimuot dihang nakita sa monitor ang kahimtang sa ilang field reporter.
