Gitun-an ni Pangulong Rodrigo Duterte nga ipatuman sa tibuok nasud ang ban na sa paggamit og mga plastics subay na sa isyu sa climate change. Sigon ni Presidential spokesman Salvador Panelo, gibutyag kini sa pangulo atol sa cabinet meeting.
Aminado usab si Environment Undersecretary Benny Anteporda dili dali ang pagtangtang sa mga plastics dinhi sa nasud samtang gipamugos ni National Solid Waste Commissioner Christian Lao, kinahanglan unang siguruhong duna’y mas baratong alternatibo sa plastic ilabina sa mga packaging sa mga produkto adiser ipatuman ang nationwide ban.
Sa pagkakaron, duha ka mga sugyot-balaudnon ang giduso sa Senado nga nagtumong pagdili sa single-use plastic apil na plastic grocery bag, packaging, water bottles, straw, styro ug sachets.
