BUTUAN CITY – Mukabat sa kapin 600 mil nga kantidad sa family food packs ug non-food items gikan sa 10 ka mga lungsod sa Agusan del Norte ang gibiyahe kaganina sa mga personahe sa Provincial Disaster Risk Reduction and Management Office kon PDRRMO padulong sa Cotabato area alang sa 3 ka lungsod nga nagrabehan sa linog nga mao ang Makilala, Tulunan ug Magpet.
Sumala ni Erma Suyo – hepe sa PDRRMO-Agusan del Norte, gawas sa food and non food relief items mukabat usab sa tag 500 mil pesos nga cash assistance ang ihatag ning probinsya sa lungsod sa Makilala ug Tulunan
Giklaro sa opisyal nga ang gipadalang relief goods gasa sa katawhan sa Agusan del Norte gikan sa napulo ka mga lungsod sa probinsya subay sa kampanya sa lalawigan nga “we will prepare as one province, we will response as one province”.
Gikatakda usab nga magpadala ug assistance ang Cabadbaran City sa mosunod nga mga adlaw samtang padayon usab nga nangdawat ang PDRRMO ug mga hinabang.
Alayon niini nanawagan ang opisyal ngadto sa publiko nga muhatag ug hinabang alang sa mga biktima sa linog.
