BUTUAN CITY – Nagpadayon pa ang imbestigasyon sa kapulisan sa lungsod sa Del Carmen, Siargao Islands , Surigao del Norte aron matumbok ang mga lalaking mipusil-patay sa kanhi Judge nga si Exequil Dagala, ,48-anyos sulod mismo sa iyang panimalay.
Sa pakighinabi sa Bombo Radyo Butuan, gibutyag ni Police Capt. Nera Perrocho, hepe sa kapulisan sa lungsod sa Del Carmena nga pasado alas-12:30 ning mi-aging kaadlawon dihang gisulod sa 3 ka naka-bonnet nga mga lalaki ang balay sa biktima.
Daling giti-unan ang working student niini uban sa duha niya ka mga classmates samtang ang duha ka suspek maoy mideretso sa kwarto sa hinanok na nga biktima tupad ang 9-anyos niining anak nga lalaki dayong pusil.
Sumala ni Police Captain Perrocho, naka-angkon og tulo ka mga samad pinusilan ang kanhi Judge sa ulo, baba ug abaga hinungdan nga wala na kini maka-abot pang buhi dihang gidala sa Rural Health Unit sa ilang lungsod.
Nasayran nga duna kini record sa maong police station ang biktima tungod sa alegasyong pagpabuto og pusil ingon man pagpangulata sa may Brgy Kaug sakop sa maong lungsod.
Nasuta usab nga ang gipusil-patay nga kanhi Judge lakip sa narco list ni Pangulong Rodrigo Duterte.
