Gipapangandam sa Pagasa ang mga residente sa Caraga region ug mga kasikbit nga lugar mahitungod sa gilaumang pag-landfall sa usa sa daut nga panahon sa mosunod nga 48 ka oras.
Sumala sa weather bureau, bisan ug low pressure area kon LPA lang kini, posible makamugna gihapon kini ug pagbaha ug pagdahili sa lupa, kung magpadayon ang pagbundak sa dala niining ulan.
Ulahing nasigpatan ang LPA sa gilay-ong 540 km sa sidlakan habagatang sidlakang sa Hinatuan, Surigao del Sur. naglihok kini pa amihanan kasadpang direksyon busa posibleng makaapekto kini sa Visayas ug Mindanao.
Sa pikas bahin ubos ang tyansa nga mahimo kining hingpit nga bagyo tungod duol na kini sa kalupaan. Samtang padayon usab nga gimonitor sa Pagasa ang nagkakusog nga bagyong dunay international name nga Bualoi nga anaa sa gawas sa Philippine area of responsibility kon PAR.
