Butuan City – Viral karon ang litrato sa usa ka bag-ong gipanganak nga itoy nga dunay pinasahing hitsura. Sa eklusibong pakighinabi sa Bombo Radyo Butuan sa dog owner nga si Dyngel Gyzra Dordas nga taga tubong Iloilo City, gikabutyag niining niadtong Hunyo ning kasamtangang tuig dihang gipanganak ang itoy nga ginganlan nilang “Cyclops” ug karon lang nila nahuna-hunaan nga i-upload sa usa ka Dog Lover Page.
Sumala kang Gyzra nakurat sila dihang nakita ang ikaduhang itoy gikan sa walo nga gipanganak sa ilang iro nga usa ka half Dachshund, half Golden ug asong pinoy o Aspin. Kini tungod sa hitsura niini nga duna lang usa ka mata ug walay ilong hinungdan nga naglisud kini pag ginhawa.
Tungod sa alanganing sitwasyon, gitinguha nalang nilang maimnon kini ug gatas gamit ang dropper pero namatay gihapon si “Cyclops” human sa halos lima ka oras gikan kini nga gipanganak.
