BUTUAN CITY – Nagmaya karon ang mga Siargaonons human gitubag ang ilang pag-ampo dihang nasakmit sa local surfer ang kampeonato sa 25th International Surfing Cup nga gilusad sa cloud 9, Siargao Island, Gen. Luna Surigao del Norte.
Sa eksklusibong pakighinabi sa Bombo Radyo Butuan, gibutyag ni Bombo Correspondent Roel Catoto, nga kulba-hinam ang final game kagahapon tungod sa dikit nga dula sa mga nabiling surfers.
Sulod sa 30 minutos nga pagkumbati sa finals, nanguna sa unang heat si John Mark ‘Marama’ Tokong pinaagi sa 9 puntos batok sa gifted surfer nga gikan sa Hawaii nga si Noah Benschen nga dunay 5.40 points.
Apan pag abot sa halftime kalit nga nahilom ang audience human nabutang sa alanging posisyon ang Pinoy surfer nga 5.80 wave dihang nibalos si Noah sa nahabiling minuto ug gigamit niini ang iyang kumbinasyon aron malabwan si Marama pinaagi sa 8.60 wave.
Sa ulahing 20 segundos gidula ni Marama ang balod nga nahimong tanghaga sa iyang napakitang nindot nga mga kumbinasyon.
Nikabat usab ug minutos ang init nga diskusyon sa mga hurado adiser nag-anunsyo og naghatag ug 7.80 points kang Marama alang sa iyang ulahing balod.
Sa katibuk-an, half point lang ang nahimong biya sa duha ka surfers human nga nakasakmit ug 16.80 points si Marama samtang 16.75 usab kang Noah.
Gawas sa mga langyaw nga mga turista apil sa mga inilang personalidad nga nasigpatang mikabiba sa surfer si Miss Universe Philippines 2017 Rachel Peters.
Nasayran nga ni-uyog ang tower sa cloud 9 atungod sa pag- ambak-ambak sa mga tawo dihang gianunsyo ang kadaugan ni Marama sa maong kompetisyon. Mukabat sa 6-mil dolyares kon 300 mil pesos ang nadag-ang ganti sa Pinoy surfer.
