BUTUAN CITY – Subling napamatud-an sa usa ka babaye sa China nga makadaut ang sobra.
Kini human nga wala na natak-um pa ang iyang ba-ba tungod sa pagsige na lang niya og katawa og kusog nga miresulta sa pagkadislokar na lang sa iyang apapangig.
Dali siyang miduol aron mutabang og dinhi niya nakita ang babayeng pasahero nga wala’y tak-umay sa iyang ba-ba og dili na mapugngan ang pagtulo sa iyang laway kansa susama sa tawong na-stroke, taliwa nga normal ang iyang blood pressure.
Dinhi usab nasulti sa wala panganling pasyente nga dili diay tinuod ang panultihong ‘Laughter is the best medicine’.
Natigayon ang pinasahing insidente sa usa ka high-speed train nga padulong ngadto sa Guangzhou South Railway Station.
Si Doctor Luo Wensheng, kinsa sakay sa train sa Kunming, ang capital sa south-western Yunnan Province, padulong na unta sa Liwan Hospital – dihang nakadungog sa medical assistance nga gipanawagan pinaagi sa mga carriage speakers.
Nasayran lang niya ang rason niini dihang gibutyag sa mga nakasaksi nga wala na masira sa babaye ang iyang ba-ba human nagsige og katawa’g kusog.
Gisulayan sa doctor ang pagsira sa iyang baba pinaagi sa pagduot sa iyang suwang apan pakyas kini human nakita nga nangluspad ang pasyente tungod sa kakulba.
Dali niya kining gipakalma og subling gisulayan pagpatak-um nga milampos ra…rason sa dakong pagpasalamat sa babaye.
Dinhi nasayran sa doctor nga nakasinati na diay og ingon niini ang maong babaye dihang midigwa siya atol sa iyang pagmadbos.
Dinhi na gibutyag ni Dr. Lou nga higayong nakasinati na kita og pagkadislokar sa atong apapangig, dako ang puruhan nga masubli kini bisan pa man og ikaw nanghuy-ab lang, nagkatawa o kaha nasobrahan pagbuka ang imong baba.
