BUTUAN CITY – Nagpa-abot na sa iyang kasubo si Surigao del Norte 1st District Congressman Francisco Jose ‘Bingo’ Matugas II sa insidenteng nasinatian ni Yan Asuncion, ang bana sa singer nga si Yeng Constantino.
Sa iyang gipagawas nga sulat-pamahayag, gipadayag sa kongresista nga padayon ang ilang pag-ampo alang sa hingpit nang pagka-ayo niini dayong pasalamat kang Yeng sa pagtawag sa ilang atensyon sa mga isyung angayan nilang sanungon ilabina sa pagresponde sa mga emerhensyang panghitabo nga matigayon pa sa Siargao Island.
Gipaniguro niini ngadto sa publiko nga mihimo na og mga lakang ang provincial government, ang mga local executives, apil na ang mga health og tourism officials og ang iyang representasyon aron himuon ang Siargao nga usa ka luwas nga tourist destination.
Bisan matud pa adiser ang mga panghitabong gilambigitan sa mga kabanay sa pipila ka mga prominenteng pesonalidad, nagduso na sila og lehislasyon nga magpalambo sa status sa gikwestyon nga institusyon sama sa Siargao District Hospital, sa lungsod sa Dapa.
Kini alang sa paghimo niining Level 2 hospital nga duna’y dugang equipment og mga katre — apil na niini ang pagbaton og usa ka gatus ka mga lawak gikan sa kasamtangang 15 lang.
Gidugang sa kongresista nga ang pag-upgrade sa ospital matubag usab ang pinakadakong concern niini sama sa kakulang sa mga personahe og manpower, apil na niini ang mga doctors, nurses, technicians og janitors, tungod kay entitle man usab kini ngadto sa budget gikan sa National Government.
