-- ADVERTISEMENT --
BUTUAN CITY – Gitu-uhang wala’y foul play sa pagkamatay sa usa ka mag-uuma kinsa napalgan na lang nga napa-ig na human napalong ang kalayo gikan sa gihalingan niyang mga sagbot sa Brgy. Lombocan ning siyudad sa Butuan.
Naila ang biktimang si Warlito Lopez Cumawas, 80-anyos, minyo og residente sa Purok 12 sa maong barangay.
Migawas sa inisyal nga imbestigasyon sa Butuan City Police Station 3 nga nakit-an pa kini sa iyang mga silingan pasado alas-tres kagahapon sa hapon nga naghaling sa mga sagbot nga iyang gilampas dapit sa iyang pinuy-anan.
Dihang gipangita na kini sa iyang mga kabanay og gi-adtuan ang dapit nga iyang gihalingan, didto na siya nakit-ang napa-ig na.
