BUTUAN CITY – Padayon pa ang gihimong evaluation and assessment sa Surigao del Sur Provincial Disaster Risk Reduction and Management Office kon PDRRMO sa mga nahatag nga damyos og dugang mga injuries human gitay-og sa magnitude 5.5 nga linog kaganinang alas-4:42 sa kaadlawon ang lungsod sa Carrascal.
Sa eksklusibong pakighinabi sa Bombo Radyo Butuan, gibutyag ni Surigao del Sur Provincial Disaster Risk Reduction kon PDRRM officer Abel de Guzman, apil sa mga lungsod nga ilang gi-monitor ang Lanuza, Carmen, Madrid, Cantilan og Carrascal.
Base sa initial reports nga ilang nakuha, nangliki ang bungbong sa mga simbahan sa lungsod sa Lanuza og Carmen og nahugno pa ang ilang alkuba.
Nangahulog usab ang ilang mga gamit sa ospital sama sa mga computer monitors, tambal, oxygen tanks og uban pa og duna’y pipila ka damyos sa salog ilabina sa emergency room og ang ubang bahin sa ospital.
