BUTUAN CITY – Nanguna ang mga re-electionist officials ning siyudad sa Butuan sa resulta sa unang hugna sa Election Poll 2019 nga gihimo sa Father Saturnino Urios University kon FSUU Policy Center Incorporated.
Naggikan kini sa 2,188 ka mga respondents nga maoy ilang gi-survey kansa uno-porsiento lang sa kinatibuk-ang voting population sa 86 ka mga barangay ning siyudad.
Sa posisyon pagka-kongresista, nag-una si incumbent Butuan City og Agusan del Norte 1st District Congressman Lawrence Lemuel Fortun kinsa nakakuha og 34.41-porisento og gisundan ni kanhi Konsehal Sam Amante kinsa nakakuha og 4.89-porsiento.
Apan mi-abot usab sa 35.60 porsiento sa mga respondents ang wala’y kasayuran kung kinsa ang mikandidato sa maong posisyon og 25.09-porsieto ang wala pa’y ideya kung kinsa ang ilang botaran samtang mi-abot sa 35.60-porsiento ang wala masayod kung kinsa ang midagan sa maong posisyon og 25.09–porsiento ang wala pa’y desisyon kung kinsa ang ilang botaran.
Sa pagka-mayor, nanguna gihapon si incumbent Mayor Ronnievic Lagnada kinsa nakakuha og 48.22-porsiento nga gisundan ni Atty. Nonong Balanon kinsa nakakuha og 3.93-porsiento nga gisundan ni Edward Chan kinsa nakakuha og .55-porsiento og 0.37-porsiento ang nakuha ni Manny Esteves.
Gawas niini, mi-abot sa 22.99-porsiento ang wala masayod kung kinsa ang nanagan og 23.95-porsiento ang wala pa makasayod kung kinsa ang ilang botaran.
Sa pagka-besi mayor, misakmit og pinakadaghang boto si incumbent Vice Mayor Jose ‘Joeboy’ Aquino II nga nakakuha og 36.01, nga gisundan ni kanhi Banza Brgy. Captain Nestor Amora nga nakakuha og 2.70-porsiento og ikatulo si Odi Monda nga nakakuha lang og .32-porsiento samtang 46.48-porsiento ang wala kasayod kung kinsa ang midagan sa maong posisyon og 14.49 ang wala pa makadesisyon kung kinsa ang ilang botaran.
Samtang sa pagkakonsehal kondiin wala’y gihatag nga pangalan sa mga kandidato ang FSUU, nasulod sa ilang top 5 sila incumbent Konsehal Glenn Carampatana nga nakakuha og 17.92-porsiento nga gisundan ni Konsehal Ferdinand Nalcot nga nakakuha og 15.81-porsiento; ikatulo si kanhi Mayor Ferdinand ‘Jun’ Amante nga nakakuha og 12.98-porsiento; ika-upat si Konsehal Cromwell Nortega nga nakakuha og 11.70-porsiento og ikalima si Konsehal Vincent Rizal Rosario nga duna’y 9.28 porsiento.
Nabutang na sa ika-unom hangtud sa ikanapulong pwesto sila Atty. Rema Burdeos; Derreck Plaza, Cherry Mae Busa, John Gil Unay og Jaime Cembrano.
Sigon ni Atty. Josefe Sorrera-Ty, executive director sa FSUU Policy Center, tumong sa Opinion Poll 2019 angpaghtag og tukma og non-partisan self-report ngadto sa kinabag-ang katawhan kalabot sa panglantaw sa mga respondents alang sa umalabot nga May 2019 National and Local Elections.
Nag-unang tinguha niini ang pag-develop og voter awareness nga musangpot ngadto sa nasayran nang kapilian kon informed choices.
