BUTUAN CITY- Mikabat sa 9 ka tawo ang namatay human sa sunod-sunod nga airstrike sa Israel sa habagatang bahin sa rehiyon, sumala sa civil defense agency nga naglihok ubos sa Hamas.
Walo sa mga biktima ang namatay sa pag-atake sa mga police post sa Al-Mawasi niadtong Sabado sa gabii, samtang usa pa ang namatay niadtong Domingo sa Khan Yunis human mapusilan sa pwersa sa Israel.
Lakip sa mga namatay ang usa ka batang babaye, sumala sa Wafa.
Samtang wala pa mingtubag ang militar sa Israel sa maong insidente, gani ilang gipadayag nga ilang “napapas” ang usa ka grupo sa mga armadong militante sa Hamas sa sentrong Gaza.
Padayon usab nga nagbinayloay ang Israel ug Hamas sa paglapas sa ceasefire kansa nagsugod niadtong Oktubre 10, bisan pa sa datos sa Gaza health ministry nga nag-ingon nga kapin 700 ka Palestiniano na ang namatay sukad niini, samtang giila sa United Nations nga kasaligan ang maong ihap bisan pa sa limitadong access sa media sa lugar.
