BUTUAN CITY – Nakit-an nalang nga wala nay kinabuhi ang 75-anyos nga lola human kini gidunggab sa makadaghang higayong sulod sa ilang panimalay sa Brgy. Coronon, Sta. Cruz, Davao del Sur alas 11:30 sa gabii, Abril 3.
Sumala sa Sta. Cruz Municipal Police Station naila ang biktima nga si Lola Tina, samtang ang suspek giila lamang nga si alyas Atan nga residente usab sa nasangpit nga lugar.
Saysay sa apo sa biktima, kalit miabot ang suspek nga lango sa ilimnong makahubog og mi-request matud pa nga magpamasahe.
Nilakaw niadtong higayona ang apo kay dunay paliton apan sa iyang pagbalik didto na naabtan ang iyang lola nga wala nay panimoot og nabulit sa samad dinunggaban.
Nawala na usab ang suspek nga gitoohang misibat og sa pagkakarong gipangita sa kapolisan.
