BUTUAN CITY – Gipangunahan ni P/Director Ramon Purugganan, Director for Comptrollership sa Philippine National Police kon PNP-Camp Crame, ang awarding ceremony og ang pag-turn over sa dakbalay sa Butuan City Police Station 3 kaganinang buntag.
Atol sa flag-raising ceremony sa may Camp Rafael Rodriguez grandstand sa Brgy. Libertad ning siyudad kaganina, mismong ang guest of honor and speaker nga si Puruganan, ang mitunol sa Medalya ng Kasanayan ngadto sa unom ka mga personahe sa Police Regional Office kon PRO-13.
Apil sa natunulan og medalya uban sa pag-abag ni PRO-13 regional director Chief Supt. Gilberto DC Cruz, sila P/Supt. Glenn Silvio, PO1 Melbert Vallescas og non-uniformed personnel kon NUP Richly Abucayon.
Kini tungod na usab sa ilang gipakitang loyalty og dedikasyon sa ilang trabaho diha sa pag-develop sa PRO-13 Claims Information System nga maoy magtugot sa mga personahe sa PRO-13 sa pag-access, pag-view, og pag-monitor sa status sa ilang financial claims pinaagi sa online inquiry kon web-page information center.
Gawas kanila, gitunulan usab nila og susamang medalya sila P/Sr. Supt. Ringgo Zarzoso, P/Supt. Avelino Garrido Jr., P/Supt. Christian og PO1 Jethro Brian Alipao. Kini tungod usab sa ilang loyalty og dedikasyon isip instrumental sa pag-develop sa information system nga maoy mupasayon sa proseso og procedures alang sa Replacement Clothing Allowance.
Human ang paghatag og pasidungog ngadto sa mga police awardees sa PRO-13, gi-turn over usab ni P/Director Ramon Purugganan ang 201 ka mga classroom chairs nga gikan sa Department of Environment and Natural Resources kon DENR alang niadtong mga tunghaang nanginahanglan kaayo niini ilabina niadtong mga tunghaang na-igo sa kalamidad.
Apil usab sa gi–turn over sa opisyal ngadto kang ni PRO-13 regional director Chief Supt. Gilberto DC Cruz ang 128 ka mga Kevlar masks nga magamit usab sa ilang operasyon alang sa pagserbisyo sa katawhan.
Human niini, gisunod usab ang turn-over sa bag-ong dakbalay sa Butuan City Police Station 3 nga maoy maghatag og mas convenient nga paglihok sa mga pulis sa ilang mga trabahuon. (Beth Ruiz)
