BUTUAN CITY – Nakatala na usab og 43 ka mga bag-ong kumpirmadong kaso sa COVID-19 ang Caraga Region apan wala’y natalang patay human migawas ang resulta sa swab test kagahapon.
Sa maong ihap, tulo ang duna’y travel history sa mga lugar nga duna’y natalang local transmission samtang 40 usab ang mga local transmission cases rason nga sa kinatibuk-an, mi-abot na sa 2,268 ang cumulative confirmed cases na ang natala sa rehiyon kondiin 670 ang mgfa aktibong kaso samtang 1,502 na ang nakarekober ug nagpabilin sa 96 ang patay.
Sa bag-ong mga kaso, 22 niini ang mga lalaki kon 51-porsiento samtang 21 ang mga babaye kon 49-porsiento kondiin 51-porsiento sa kinatibuk-ang ihap ang anaa sa edad nga 21 hangtud 50-anyos, 6-anyos ang pinakabata samtang 78-anyos ang pinaka-edaran.
Pinakadaghan ang natala sa Butuan City nga mi-abot sa 29 kondiin pinakadaghan ang natala sa Brgy. Bading nga mi-abot sa 10, tagtulo sa Brgy. Ampayon ug Doongan; tagduha sa Brgy. Baan Km. 3 ug Imadejas ug tag-usa sa Brgy. Bayanihan, Datu Silongan, Libertad, Mahay, Mahogany, New Society Village, Ong Yiu, Tandang Sora ug Villa Kananga.
