BUTUAN CITY – Na-turn over na ngadto sa Butuan City Social Welfare and Development kon CSWD- ang upat ka mga dalagita kon minor-de-edad gikan 23 ka mga babayeng naluwas sa gilusad nga entrapment ug rescue operation kontra prostitusyon pasado alas-7:30 ning mi-aging gabii sa Orange Beach View Resort, Brgy. Manapa, lungsod sa Buenavista, Agusan Del Norte.
Madumdumang gilusad ang operasyon tungod sa paglapas sa RA No. 10364 kon mas nailang ‘Expanded Anti-Trafficking in Persons Act of 2012’ ingon man RA No. 7610 kon mas nailang ‘Special Protection Against Child Abuse’.
Atol sa operasyon, nadakpan ang tulo ka mga gitu-uhang bugaw sa mga biktima nga nailang sila Alexander Castro Abendan, residente maong lungsod ingon man ang duha ka Butuanons nga sila Jeffrey Schofield, resident sa Montilla St. ug Daud Timothy Toralba, ug residente sa Purok 1 Brgy Bading parehong sakop ning siyudad.
Sigon ni PMajor Jennifer Ometer, angayang magbantay ang tanan ilabina karong hapit na ang holiday season kondiin ang pangandoy sa mga tawong gustong makakwarta, sakyan sa mga tawong gusto usab nga makasapi kanila pinaagi sa paghimo sa susamang modus.
