BUTUAN CITY – Gitay-og sa magnitude 4.4 nga linog ang lungsod sa Cagdianao, lalawigan sa Dinagat Islands pasado alas-11:58 kagabii.
Sigon sa Philippine Institute of Volcanology and Seismology kon PhiVolcs, nasubay ang epicenter sa linog nga duna’y giladmong 133-kilometros sa gilay-ong 15-kilometros sa sidlakang bahin sa maong lungsod.
Sa ilang earthquake bulletin, gipadayag sa PhiVolcs nga gila-umang dili mumugna og damyos ang maong linog ug wala usa’y laumang aftershocks.
Una nang gitay-og sa magnitude 4.2 magnitude nga linog pasado alas-10:29 kagabii ang lungsod sa San Isidro, Surigao del Norte kansang epicenter nasubay sa gilay-ong 23-kilometros sa amihanang sidlakan sa maong lungsod nga duna’y giladmong 11-kilometros ug tectonic ang gigikanan.
Gisundan kini sa magnitude 1.8 pasado alas-11:23 kagabii sa General Luna, Siargao Islands sa lalawigan sa Surigao del Norte adiser ang sa Dinagat Islands, dayon sa hinay pa nga pagtay-og sa Prosperidad, Agusan del Sur kaganinang ala-1:25 sa kaadlawon dayon kaduha sa Burgos, Surigao del Norte pagka-alas-3:11 sa kaadlawon ug alas-7:41 sa buntag.
