BUTUAN CITY – Naghatag sa iyang general comment atol sa ikatulong confirmation of charges hearing sa International Criminal Court kon ICC batok kang kanhi Pangulong Rodrigo Duterte, si Atty. Nicolas Kaufman, lead counsel ni Duterte.
Sa iyang opening statement, gibutyag niya nga si Pangulong Ferdinand Marcos Jr., wala motuman sa iyang saad nga dili makig-alayon sa ICC, ug gipakita nga kini nakatampo sa pagdakop kang Duterte.
Gikwestyon niini ang kredibilidad ug ebidensya nga gipresenta sa ICC prosecutors, dayong butyag nga wala kini makahatag og lig-on nga basehan aron pasakaan og kaso si Duterte. Gipamugos ni Kaufman nga ang kaso batok sa iyang kliyente, nagsumikad sa “political demagoguery” ug sa pagpili-pili lang sa ebidensya, imbes nga sa hustong sumbanan sa korte.
Alayon niini, mala-umon siya nga ang ICC Pre-Trial Chamber I, muhukom sa pagbasura sa mga kaso ug papa-ulion si Duterte ngadto sa iyang pamilya, ilabina nga ang mga akusasyon, puno sa motibong pulitikal ug wala’y igong basehan.
Gipamugos usab ni Kaufman nga imposibleng gamitong basehan ang mga nahimong pamahayag ni Duterte aron pamatud-an ang criminal intent, dungan sa paglakbit sa gika-ingong dili kumpletong pagsaysay sa prosekusyon sa tinuod nga konteksto sa mga pamahayag sa kanhi pangulo.
Gilakbitan usab sa abogado ang ikaduhang pamahayag nga gigamit ni ICC Deputy Prosecutor Mame Mandiaye Niang sa iyang opening statement kalabot sa pag-angkon ni Duterte sa responsibilidad dayong saad nga protektahan ang mga rogue officers gikan sa prosekusyon.
