BUTUAN CITY – Gidugok sa mga Butuanon ang natigayong Kick Off Ceremony sa ika-38 nga Balangay Festival 2024 sa miaging gabii sa River Park ning syudad sa Butuan. Nahimung atraksyon sa lugar ang Balangay Display nga makita ang replica sa Balangay Boat nga Raya Kulambu.
Sa mensaheng gipadala ni Mayor Ronnie Vicente Lagnada pinaagi kang City Councilor Eduardo Gonzalez kini na matud pa ang ikapito nga Balangay Festival sukad kini nagserbisyo isip amahan sa Butuan.
Nanghinaut kini nga mag enjoy ang tanan sa mga performances nga giandam sa lokal nga panggamhanan sa Butuan alang sa tanan. Atol sa programa usa-usang mirampa ug nagpaila ila ang deysi sais ka mga kandidata sa Mutya Hong Butuan 2024. Kini nga kalihukan usa lamang sa mga daghan pang kalihukan sa selebrasyon sa 38th Balangay Festival.
Ang kick off ceremony gipangunahan nila Councilor Eduardo Gonzalez Committee Chairperson sa Tourism, Councilor Cherry May Busa, Councilor Arturo Gado ug SK Federation President Manuel Morcilla, City Administrator Atty Joseph Ian Sabado uban sa mga department heads sa lokal nga panggamhanan sa Butuan ug mga regional line agencies.
