BUTUAN CITY – Mi-abot sa 35 ka mga fish cages sa may Sitio Calugmaan, Brgy. Camagong duol sa pantalan sa Nasipit, Agusan del Norte ang na-igo sa fish kill sukad pa niadtong Dominggo.
Sa eksklusibong pakighinabi sa Bombo Radyo Butuan, gipadayag ni Ruben Timogan – kanhi regional director sa Caraga Fisherfolks Association, nga sa maong ihap, 25 ang totally wiped-out samtang partially damaged lang ang nahabiling napulo nga parehong duna’y load nga tag-14 ngadto sa 16-mil ka bangus fingerlings nga kung muk-harvest mu-abot ngadto sa 5 ngadto sa 6-tonelada ang timbang.
Gipadayag ni Timogan nga upat ka mga dump trucks ang mihakot sa maong mga isda nga gikarga sa payloader ug gilubong ngadto sa dump site sa Sitio Mantalio sa Brgy. Kinabjangan sa susamang lungsod.
Nagkuha na usab og water sample ang ginsakpan sa Bureau of Fisheries and Aquatic aron masuta ang hinungdan sa kamatayon sa mang mga isda.
