BUTUAN CITY – Upat na ang kumpirmadong patay sa nahugmak nga dakbalay sa Angeles City, Pampanga.
Nasayrang mi-abot sa kinatibuk-ang 47 ka mga tawo ang na-apektuhan sa hitabo kondiin 26 ang na-rescue, samtang 17 pa ang padayong gipangita sa mga responders.
Sigon sa Philippine Red Cross (PRC), ka-abag nila ang mga lokal na otoridad sa pagpangita sa nahabiling mga biktima.
Nagmontar na usab sila og Collapsed Structure Search and Rescue (CSSR) ingon man Emergency Medical Services (EMS) teams gikan sa Pampanga ug Olongapo Chapters aron mutabang sa lugar sa insidente.
Isip tubag sa panginahanglan sa mga pamilya sa mga biktima, gimugna usab sa PRC ang 24/7 Welfare Desk sa Ospital Ng Angeles alang sa Restoring Family Links (RFL) ug psychosocial support.
Pabiling naka-alerto ang mga staff ug volunteers sa PRC alang sa 24-hour shifts aron masiguro ang paspas nga paghatod og tabang. Padayon silang nanawagan og pag-ampo alang sa mga biktima, ilang mga pamilya, ug mga miresponde sa trahedya.
