BUTUAN CITY – Mi-abot sa 15 ka mga sabungero ang angol ug nadala sa ospital samtang laing 23 ang nadakpan sa mga sakop sa National Bureau of Investigation kon NBI-Caraga human ang gilusad nga raid sa sabungan sa may Brgy Doña Rosario, lungsod sa Tubay, Agusan del Norte niadtong alas-tres sa hapon sa adlaw’ng Lunes.
Base sa asuy sa usa sa mga nakasaksi atol sa raid nga gi-ilang si alyas Jay, apil sa na-angol ang iyang uyuan nga nabali-an matud pa ug gidala pagbalik sa ospital kagahapon tungod sa pagsakit na usab sa iyang gusok.
Gipadayag ni alyas Jay nga anaa lang siya sa gawas atol sa raid kondiin nakita niya ang pag-inambakay sa mga sabungero paggawas sa sabungan hinungdan sa kadaghan sa mga nabalian sa nagkada-iyang parte sa ilang lawas.
Ang rason matud pa sa pag-raid taliwa nga duna’y permit ang sabungan mao ang pagpahigayon og talpak kon online betting kondiin duna’y aktwal nga pagsabong sa mga manok apan ang taya, gipa-agi na sa makina on machine betting kansa ilegal ug dugay nang gibawal sa nasud.
