BUTUAN CITY – Hingpit nang nanumpa isip mga senator-judges ang 23 ka mga senador alang sa pagsugod na sa impeachment trial kalabutan sa impeachment case nga gi-atubang ni Vice President Sara Duterte gawas kang Senador Ronald “Bato” dela Rosa, nga wala mutambong human ang insidente sa pagpamusil sa Upper Chamber niadtong Mayo 13.
Tungod niini, nag-convene ang Senado isip impeachment court human gidawat ang Articles of Impeachment gikan sa House of Representatives ug mao na ang pagbukas sa usa sa pinakadakong political proceedings sa nasud karong tuiga.
Ang impeachment case batuk kang Vice President Sara Duterte, may kalabutan sa mga alegasyon sa sayop nga paggamit sa confidential funds sa Office of the Vice President ug sa Department of Education nga iyang gidumala kaniadto, betrayal of public trust, ingon man paghulga sa kinabuhi sa First Couple og ang kanhi House Speaker Martin Romualdez.
Ang pagpanumpa sa mga senador mao na ang pormal nga pagsugod sa impeachment trial tungod kay nagpakita kini sa pagbalhin na sa Senado gikan sa pagka-lehislatura ngadto na sa pagka-impeachment court.
Ang mahimong desisyon sa mga Senator-Judges duna’y direktang epekto sa kalig-on sa gobyerno ug pagsalig sa publiko.
