BUTUAN CITY – Naluwas sa hini-usang pwersa sa kapulisan gikan sa managlahing yunit ng 23 ka mga babaye nga gilangkuban sa upat ka mga minor-de-edad ug 19 ka mga hamtong na ang edad gikan sa prostitusyon.
Atol kini sa gilusad nga entrapment ug rescue operation pasado alas-7:30 kagabii sa Orange Beach View Resort, Brgy. Manapa, lungsod sa Buenavista, Agusan Del Norte.
Tungod kini sa paglapas sa RA No. 10364 kon mas nailang ‘Expanded Anti-Trafficking in Persons Act of 2012’ ingon man RA No. 7610 kon mas nailang ‘Special Protection Against Child Abuse’.
Atol sa operasyon, nadakan usab ang tulo ka mga gitu-uhang bugaw sa mga biktima nga nailang sila Alexander Castro Abendan, residente sa maong lungsod ingon man ang duha ka Butuanons nga sila Jeffrey Schofield, resident sa Montilla St ug Daud Timothy Toralba, ug residente sa Purok 1 Brgy Bading parehong sakop ning siyudad.
Gika-ingong gibahog matud pa sa mga suspek ang mga biktima ngadto sa ilang mga kostumer bugti sa kwarta.
Anaa na sa kostudiya sa kapulisan ang mga suspek ug ang nakuhang mga ebidensya gikan kanila samtang ang mga biktima, gi-turn over na ngadto sa Department of Social Welfare and Development Office ning siyudad alang sa assessment ug evaluation .
