BUTUAN CITY – Mi-abot na sa 20 ka mga tawo ang patay tungod sa kalit nga pagbaha sa Gulf States og nakabalda sa flights sa Dubai Airport, ang ikaduhang pinaka-buzy nga airpot sa tibook kalibutan human nga mi-abot na sa runway ang tubig-baha.
Nag-warning usab ang otoridad nga mas daghan pang mga panalogdog og pagpangilat lakip na ang pagbundak sa ulan og kusog nga huyop sa hangin ang masinatian samtang ang mga ubos nga lugar, pabilin pang malanapan sa baha.
Ang United Arab Emirates, kansa silingan lang sa Oman, Jordan nakasinati og pinakadakong pagbundak sa ulan kansa pinaka-una sukad nga nakalabay nga 75 ka tuig.
Makita sa sentro sa Dubai ang dinosena nga mga sakyanan nga nalanapan sa baha sa Sheikh Zayed Road, ug grabe ang kabug-at sa trapiko.
Ang kusog nga bagyo nagsugod niadtong Martes sa buntag diin nagsuspende ang airport sa ilang operasyon sulod sa 24 minutos ug gi-divert ang pipila ka mga inbound planes og nagkansela sa daghang inbound og outbound flights.
