BUTUAN CITY- Dili mo ubos sa 20 ka-tao ang patay human ang grabe flash flood sa amihanan-sidlakang Afghanistan niadtong Lunes, Hulyo 20.
Sumala sa Taliban-run government, pinakadako nga natala sa syudad sa Parun, ang sentral sa Nuristan Province.
Gawas sa mga namatay, dili usab mo-ubos sa 80 ka-tao ang angol tungod sa kalit nga pagbaha.
Nasayrang lauman nga mosaka pa ang ihap sa mga namatay tungod aduna pay kapin 100 ka tao ang gitahong namissing sukad kagahapon sa gabie, Lunes.
Gilayon nga minghimo og search and rescue operations ang mga awtoridad sa lugar, apan gikabalak-an sa mga niini nga madugangan pa ang ihap sa mga biktima.
Sumala sa mga opisyal, lisod nga ma-abot ang pipila ka apektadong lugar tungod sa gilapdon sa kadaot.
Usa ang Afghanistan sa mga nasud nga grabeng na-apektuhan sa climate change o pagbago sa klima.
Sigon usab sa mga eksperto, mas kanunay na karun ang grabe nga pag-ulan ug pagbaha sa pipila ka parte sa nasud.
Napalala usab matud pa sa kaylap nga pag-upaw sa mga kalasangan ang pagbaha tungod gamay nalang ang mga kahoy nga mohigop sa tubig-uwan sa nasud.
