-- ADVERTISEMENT --
BUTUAN CITY-Tak-tak na sa FIFA World Cup 2026 ang 2-time champion nga Uruguay human mapildi sa Spain sa skor nga 1-0, sa ilang duwa sa Guadalajara Stadium.
Nakuha sa Spain ang bugtong goal sa ika-42 nga minuto pinaagi sa sipa ni Álex Baena nga napakyas og kupot sa veteran goalkeeper sa Uruguay nga si Fernando Muslera.
Dugang pa sa kapildihan, naangol usab sa tuhod ang Uruguayan midfielder nga si Manuel Ugarte, samtang gipalayas sa duwa si Agustín Canobbio human makadawat og red card sa extra time tungod sa pakiglalis sa mga game officials.
Pinaagi sa maong kadaugan, mitaas ang Spain sa unang puwesto sa Group H nga adunay pito ka puntos, samtang ang debutanteng Cape Verde miuswag isip ikaduhang koponan nga nakaabante sa sunod nga hugna.
