-- ADVERTISEMENT --
BUTUAN CITY -Malampusong naluwas ang duha ka mga mananagat human mitiklaob ang ilang gisakyang kolor yellow nga pump boat sa kadagatan sa Brgy Poblacion, sa lungsod sa Cagdianao, sa Dinagat Islands province.
Naila ang mga naluwas nga sila Jamel Bularon ug Teddy Bularon, parehong residente sa Manoligao, Brgy. Del Pilar, sa maong lungsod.
Migawas sa report nga naglawig sila gikan sa ilang lugar pasado alas-5 ning mi-aging hapon paduong unta sa Brgy. Poblacion dihang gihapak sila sa mga dagkong balud pasado alas-siete ang takna sa gabii rason sa pagtiklaob niini.
Na-recover ang pump boat sa mga mangingisdang sila Nicolas Pejer ug Bobong Acilo ug giplastar sa Purok 4 Boulevard,Brgy. Poblacion.
