BUTUAN CITY- Mingbusikad ang duha ka sunog sa kalasangan sa Iwate Prefecture, Japan nga angsugod pa niadtong Miyerkules kung asa ming-abot na sa 1,176 ka ektaryagidak-on sa sunog hangtud kagahapong aldawa Biyernes sa buntag (local time) hinungdan aron ibakwit ang kapin 1,000 ka residente.
Nasuta nga nagsugod ang sunog sa Kozuchi district sa lungsod sa Otsuchi sa may ala-1:50 sa hapon.
Paspas kining mingkuyanap ug na-apektuhan ang pipila ka building lakip na ang pipila ka kalasangan.
Pila ka oras ang minglabay human sa maong sunod, laeng usa pa ka sunog ang mingbusikad sa kabukirang bahin sa Kirikiri district, kung asa anaa sa labing-minus 10 kilometro ang gilayon gikan sa unang sunog sa kalasangan.
Tungod sa peligro, gipahimangnuan sa lokal nga panggamhanan ang mga residente gikan sa 566 ka kabalayan nga mobakwit partikular ang mga nagpuyo duol sa ika-duha nga lugar sa sunog.
Taliwa sa insidente, wala pay natala nga namatay o na-angol.
Una na nga mipasidaan ang weather observatory sa lugar kalabot sa uga nga hangin ug kusog nga hangin, kansa posibleng nagpagrabe sa pagkatag sa kayo.
Sumala sa taho, usa ka 61-anyos nga residente nga mingbakwit kauban ang iyang pamilya, ang nagbutyag nga duha ka sunod ang natigayon sa managlahing lugar.
Gipadayag usab niini ang iyang kabalaka sa kahimtang sa ilang panimalay.
