BUTUAN CITY – Nasuta sa House Committee on Justice nga ang duha ka impeachment complaints batok ni Bise Presidente Sara Duterte duna’y igong porma kon sufficient in form ilabina ang ikatulo ug ikau-pat nga reklamo kansa nagtuman sa desisyon sa Korte Suprema nga nagtugot lamang sa pagsugod sa usa ka impeachment proceeding batok sa usa ka opisyal matag-tuig ug adunay usa ka endorser gikan sa mga miyembro sa Kamara.
Adiser nadesiyunang sufficient in form kini, ang House justice panel nakahukom nga isalikway ang unang impeachment complaint nga gisang-at sa Makabayan coalition ug mga kaalyado niadtong Pebrero 2 tungod kay nakalapas kini sa one-year bar rule.
Ang unang impeachment complaint nagbutyag nga ang Bise Presidente naglu-ib sa pagsalig sa publiko tungod sa pagmando matud pa sa mga kaubanan niini nga mag-andam og peke nga accomplishment reports nga gisang-at uban sa peke nga liquidation reports ug peke nga mga dokumento ngadto sa Commission on Audit aron suportahan ang paggamit sa confidential funds.
Gawas na, nagpasagad usab matud pa kini sa opisyal nga katungdanan pinaagi sa tinuyo nga pagdumili sa pag-ila sa congressional oversight atol sa budget deliberations ug sa kagahom niini sa pagdumala og mga imbestigasyon alang sa pagtabang sa lehislasyon kansa makita usab sa ikaduhang, ikatulo, ug ikaupat nga complaints.
