BUTUAN CITY – Gibana-banang muabot sa 15,000 ang nangayu og repatriation assistance sa Department of Migrant Workers (DMW) gikan sa mga overseas Filipino workers (OFWs) nga apektado sa padayon nga kagubot sa Middle East.
Sumala sa DMW, kadaghanan sa mga nangayu og tabang nagsumikad sa mga OFWs nga nakategorya nang “repatriation-ready,” nagpasabot nga kumpleto na ang ilang requirements ug nagpaabot na lang og plano para sa ilang pagbalik sa Pilipinas.
Gitin-aw usab sa DMW nga dili tanang nangayu, nagpasabot sa hinanaling panginahanglan para sa repatriation.
Tungod kay daghang mga OFWsi ang nag-submit og hangyung mouli aron maapil sa opisyal nga monitoring list ug masiguro ang hinanaling tabang ugaling mosamot ang sitwasyon sa ilang lugar.
Dunay pipila usab nga miatras human magpalista tungod sa pagbaton og stable nga trabaho o pagresolba sa workplace issues.
Hangtud niadtong Abril 6, miabot na sa 4,611 OFWs ug ilang dependents ang na-repatriate gikan sa Middle East.
Alayon niini nakig-alayon usab ang DMW sa Department of Labor and Employment aron tun-an ang alternative labor markets ug profiling sa mga repatriated OFWs para mahatag kanila ang tukmang trabaho.
