BUTUAN CITY – Dili mu-ubos sa 13 ka mga tawo ang patay ug 32 ang angol apil na ang upat ka mga babaye ug usa ka bata sa Israeli air strikes sa southern Lebanon.
Sigon sa Lebanese health ministry, sa maong ihap, duha ka babaye og usa ka bata ang patay sa Haboush sa Nabatieh district, ang lugar diin nag-isyu ang Israel Defense Forces (IDF) og evacuation order.
Anaa pa ang upat ka mga tawo apil na ang duha ka babaye nga napatay sa Zrarieh sa Sidon district, samtang laing usa usab ang patay sa Ain Baal sa Tyre district.
Nagpadayon ang engkwentro sa Israel ug Hezbollah talilwa sa nagpadayong tulo ka semana nang ceasefire extension. Kagahapon, gipadayag Hezbollah – ang armadong grupong gisuportahan sa Iran, nga ilang gi-target ang mga sundalong Israelis apil na ang mga military vehicles sa Lebanon.
Sigon sa Israeli military, napatay ang usa sa ilang mga sundalo atol sa giyera sa southern Lebanon rason nga mi-abot na sa 17 ka mga sundalong Israelis ang patay sukad sa sayong bahin sa buwan sa Marso.
