-- ADVERTISEMENT --
BUTUAN CITY – Narekober sa mga sakop sa Philippine Coast Guard ang patay’ng lawas sa usa ka 104-anyos nga lolo nga taga-lalawigan sa Surigao del Sur kinsa nalumos niadto pang Dominggo.
Naila ang biktimang si Esteban Seronio, residente sa Bislig City, sakop sa maong lalawigan.
Nasayrang miduol ang iyang anak nga si Emidio, 51-anyos ngadto sa Coast Guard Station-Bislig og gitaho ang pagkahanaw sa iyang amahan hinungdan sa gilusad nga search and rescue operations sa San Fernando River diin gitu-uhang nalumos ang biktima.
Apan tungod sa kakusog sa sulog sa tubig og kusog nga pagbundak sa ulan, temporaryong gisuspende ang search operation.
Sa pagbalik niini kagahapon, adiser pa napalgan ang patay’ng lawas sa biktima. (Beth Ruiz)
-- ADVERTISEMENT --
