BUTUAN CITY- Ming-abot na sa 10 ka langyaw, lakip ang upat ka Israeli, ang gi-aresto sa mga personnel sa Bureau of Immigration kon BI sa gihimong operasyon sa General Luna, Surigao del Norte.
Sumala sa BI, nasikop ang mga langyaw tungod sa paglapas sa mga balaod sa Immigration sama sa undesirability, overstaying, ug pagtrabaho nga walay husto ug igo nga permit.
Gawas sa upat ka Israeli, lakip usab sa mga gi-aresto ang duha ka Chinese, usa ka Lithuanian, usa ka Australian, usa ka Moroccan, ug usa ka Nigerian.
Kasamtangang naka temporary custody ang mga niini sa General Luna Municipal Police Station samtang gihuwat ang pag-balhin sa Immigration detention facility.
Ang pagpasaka og mga kasong adunay kalabotab sa Immigration ug ang paghimo og deportation proceedings, kasamtangan na usab nga gihimo sa BI.
