BUTUAN CITY – Usa ang patay samtang laing usa ang angol human nadasmagan sa usa ka Fuso cargo truck kaganinang alas-3:45 sa kaadlawon sa national highway sa Purok 2-A, Brgy. Sumilihon ning siyudad sa Butuan.
Naila ang namatay nga si Rodhniel Paraguya Taño, 16-anyos, residente sa maong barangay samtang ang angol ug na-admit pa sa Butuan Medical Center tungod sa managlahing injuries nga na-angkon, na-ilang si Klint Awatin Galve, 18-anyos, residente sa Purok 2-A, Brgy. Ampayon ning siyudad.
Base sa report sa Butuan City Police Office, samtang gisubay sa Fuso truck nga gimanihun ni R-R Enate, 21-anyos, ulitawo ug residente sa Cabayawan, San Jose, Dinagat Islands province ang national highway padulong sa habagatang direksyon, nabanggaan niini ang duha nga nagbaktas lang sa slow lane sa highway.
Sa report ni Patrolman Meldrick Jin Nazi, naka-angkon si Taño grabeng injuries hinungdan sa iyang hinanaling kamatayon nga wala na maka-abot pang buhi sa ospital.
Gikostudiya na usab sa Butuan Cty Poice Station kon BCPS-4 ang supek alng sa tukmang disposasyon.
