BUTUAN CITY- Duna na’y natalang usa ka bata nga patay ang Department of Health-Center for Health and Development-Caraga tungod sa sakit nga pertussis kon whooping cough.
Sumala ni Dr. Karen Mae Durac, ang Medical Officer IV ug Adult Health Cluster Head sa DOH-Caraga nga sa pinaka bag-ong tala sa ilahang ahensya, duna nay walo ka mga suspected cases sa maong sakit sa Rehiyon, samtang duha niini ang kumpermadong pertussis, diin isa niiini ang namatay.
Dugang sa maong opisyal nga lima sa mga bata nga natakbuyan sa maong mga sakit kay wala na bakunahan kontra niini. Alayon sa maong balita, gikabutyag usab Dr. Durac nga halos tanang mga nataptan sa maong sakit sa tibook Pilipinas kay nag edad og usa ka tuig pa ubos.
Tambag niini sa mga ginikanan, nga sanglit tungod man sa kagaw ang maong sakit, matambalan matud pa kini og antibiotics, dayong hangyo nga ipa-check up gilayon ang mga kabataan kon makitaan kini og pag-ubo ug sip-on sulod sa duha ka adlaw arun dali ra kining maagapan sa tambal.
