BUTUAN CITY – Hingpit nang mi-atras si World No. 1 Aryna Sabalenka gikan sa Stuttgart Open kon mas nailang Porsche Tennis Grand Prix 2026 tungod sa injury nga iyang na-angkon human midaog sa Miami Open.
Gi-anunsyo sa Belarusian star, kinsa upat ka higayon nang nahimong runner-up sa Stuttgart, nga dili pa siya maka-recover sa pagsugod na sa iyang clay-court season apan gila-umang makabalik siya sa Madrid Open sa hinapos nga bahin ning bulana.
Pareho niyang nadag-an ang Indian Wells ug Miami Open human gipildi sila Elena Rybakina ug Coco Gauff rason nga siya ang ikalimang babaye sa Open Era nga midaog sa maong mga torneyo.
Ang pag-atras ni Aryna Sabalenka, makonsiderang setback alang sa mga Stuttgart fans apan usa kini ka saktong desisyon aron mapanalipdan ang iyang panglawas ug ma-maximize ang iyang mga tsansa alang sa umalabot pang mga dagkong torneyo.
Ang iyang pagkawala, maghatag og higayon sa ubang mga top players nga makabaton og dakong tsansa aron makuha ang Porsche title.
