BUTUAN CITY – Ubay-ubay nga mga kalihukan ang gihan-ay sa Department of Social Welfare and Development kon DSWD-Caraga alang sa tinuig na Women’s Month celebration.
Kini human pormal nga gibuksan ang maong kasa-ulugan sa nagkada-iyang ahensya sa gobyerno isip pagtamon sa katungod sa kababayen-an.
Sigon ni Eunice Montaus-Plaza, tigpamaba sa maong ahensya, tema sa maong kasaulugan karong tuiga ang ‘We make change worth for women’.
Gamiton matud pa ang maong tema hangtud sa tuig 2022 aron ma-highlight ang paghatag og katakos og kagahom sa kababayen-an sa ingon man mu-aktibo sila pagtabang aron mapalambo pa ang sosyudad.
Tumong matud pa sa maong kalihukan nga mapasidunggan ang kababayen-an sa ilang kontribusyon sa katilingban og ang pagpakusog sa adbokasiya batuk sa pag-abuso sa kababayen-an og sa ilang kabataan.
Apil sa mga nakahan-ay nilang kalihukan ang culmination activity karong Marso 6 nga usa ka sportsfest kansa salmutan sa nagkada-iyang rehiyunal nga ahensya sa gobyerno.
Anaa pa ang paghandom sa Women’s Day karong Marso 8 dungan sa ipahigayong Women’s summit og paglusad sa Search for Caraga’s Most Responsive LGU. Kini gawas pa sa ilang outreach program sa Brgy. Babuyan, Carrascal, Surigao del Sur tali sa mga lumad nga himuon sa Marso 22 og 23. (Beth Ruiz)
