BUTUAN CITY – Pormal nang gibuksan ang kasaulugan sa Watershed Consciousness Week sa dakbayan karung adlawa, Enero 15, 2024 pinaagi sa panagtapok sa managlahing opisina sa Lokal nga Panggamhanan, Regional Line Agencies ug uban pa. Sumala pa ni Mr. Jess Saburao, ang Acting City Environment and Natural Resources Department Head Forester ning syudad sa butuan nga kinahanglan matud pa nga protektahan ang Watershed sa dakbayan sa Butuan tungod kay usa kini sa pinaka importante nga kabahinan sa dakbayan alang sa patubig sa mga katawhan ilabi na sa syudad nga bahin. Gipangunahan ang maong kalihukan sa City Environment and Natural Resources Department.
Gisugdan ang maong kalihukan sa motorkada gikan sa St. Joseph Cathedral sa syudad hangtud na sa Sitio Iyao, Barangay Anticala. Gipaabot usab ni Acting City Environment and Natural Resources Department Head Forester Jess Ivan Saburao ang mga nakalinyang aktibidades sa pagsaulog sa Watershed Consciousness Week.
Alayon niini, gibutyag sab ni Konsehal Victor Plaza, Committee Chairperson sa Committee on Environment and Natural Resources nga garantisado ang pag protekta watershed sa dakbayan pinaagi sa implementasyon sa Forest Land Use Plan ug Comprehensive Land Use Plan sa Lokal nga Panggamhanan sa Butuan. Ang maong selebrasyoin molungtad hangtud Enero 19, 2024.
