BUTUAN CITY – Gi-anunsyo sa Department of Energy kon DOE ang laing usbaw na usab sa presyo sa mga produktong petrolyo ugmang adlawa.
Sigon ni Energy Sec Sharon Garin, mukabat sa ₱11.88 ang isaka sa kada-litro sa diesel samtang ₱6.47 usab sa kada-litro sa gasolina ug ₱13.66 usab sa kada-litro sa kerosene.
Gipadayag usab sa kalihim nga medyo mikalma karon ang presyo sa krudo sa pangkalibutanong merkado kumpara ning mi-aging semana nga paspas ang pagsaka.
Padayon karon ang panawagan sa mga kompanya sa lana nga hinay-hinayon ang pagpatuman og usbaw sa presyo sa ilang mga produktong petrolyo.
Dugang sa kalihim, mulungtad pa hangtud sa unang semana sa buwan sa Mayo ang fuel stockpile kansa madugangan na usab tungod sa gikatakdang pag-abot sa dugang deliveries.
Kung sumadahon, gikan sa 105-pisos kada-litro sa diesel karong panahuna, mahimo na unyang 116-pisos matag-litro kung madugangan og ₱11.88.
Samtang ang kerosene nga karon anaa pa sa 78-pisos kada-litro, mahimo na unyang 84-pisos ug 47-sentabos kung madugangan na og ₱6.47 ug ang kerosene, mahimo na usab nga 108-pisos kada-litro higayong madugangan og ₱13.66 ang kasamtangang presyo nga 19-pisos.
