BUTUAN CITY – Walo ka mga tawo ang patay samtang samaran ang usa ka bata human nadamyos ang usa ka balay sa Kabul, Afghanistan tungod sa kusog nga linog.
Sumala sa National Disaster Management Authority, base sa German Research Centre for Geosciences, ang linog nga adunay gikusgon nga magnitude 5.9 nga mi-igo sa rehiyon sa Hindu Kush, nga adunay giladmon nga 177 kilometro.
Nabati ang kusog nga pag-uyog sa lain-laing lugar lakip na ang Islamabad sa Pakistan, ingon man sa Kabul ug New Delhi sa India.
Na-ilhan ang Afghanistan nga dali rang ma-apektuhan sa mga katalagman tungod sa kabukiran niini nga heograpiya, diin ang mga linog usa sa labing delikado nga kasinatian sa nasud kondiin gibana-bana nga mu-abot sa 560 ka mga tawo ang mamatay matag-tuig tungod sa linog.
Niadtong Nobyembre 2025, usa ka mas kusog nga linog nga adunay magnitude 6.3 ang mitay-og sa Afghanistan, nga nagbilin og dili mu-ubos sa 27 nga mfa tawong namatay ug miguba gatusan ka mga kabalayan. .
