BUTUAN CITY – Wala pa’y abiso si Vice President Sara Duterte kung mutambong ba siya o dili sa pagdungog nga himuon sa House Justice Committee ugmang adlawa Miyerkules, Marso 25 kalabot sa duha ka impeachment complaints nga gipasaka batuk kaniya.
Sigon ni Bicol Saro Rep. Terry Ridon, wala pa’y gipadalang komunikasyon ang kampo sa besi presidente hangtud sa pagkutlo niini nga balita.
Gipamugos sa magbabalaud nga importante ang pagtambong ni VP Sara sa maong pagdungog tungod kay kini ang iyang higayon, aron komprontahon o kaha kwestyunon ang mga alegasyong gihapak batuk kaniya.
Madumdumang nagpadala na og answer ad cautelam si VP Sara ngadto sa House Justice panel human siya gipadalhan og notice human gideklara nga sufficient in substance ang nahabiling ikatulo ug ika-upat nga impeachment complaints.
Apan daghan sa mga membro sa maong panel ang wala makontento sa tubag sa ikaduhang pangulo kansa ilang gikonsiderang non-answer hangtud nga gibotaran na lang sa mga membro nga duna’y igong basehan ang mga reklamo aron ipadayon sa hearing proper.
Una nang gibutyag ni House Justice Committee chair Gerville Luistro nga ang dili pagtunga ni VP Sara sa mao unyang pagdungog, posibleng magpa-paspas sa transmission sa duha ka reklamo padulong sa Senado nga magsilbi unyang impeachment court.
