BUTUAN CITY- Gibana-bana nga makapahimo og paglugi og $20 billion sa tinuig nga revenue ang kadaot sa pinakadakong liquefied natural gas (LNG) sa Qatar.
Kini nunot sa mga pag-atake sa Iran sa Ras Laffan Industrial City sa Qatar nga mingresulta sa halapad nga kadaot sa mga pasilidad sa LNG, kansa gibana-banag nagkantidad og $20 bilyong ang mawala matag tuig.
Ang kadaot mipakunhod og 17% sa kapasidad sa pag-luwas sa LNG sa nasud, kansa gilaomang mo-abot og 3 hangtud 5 ka tuig aron mabalaik.
Nadaot sa mga pag-atake ang duha sa 14 ka LNG train sa Qatar ug usa ka gas-to-liquids (GTL) facility. Tungod niini, nakuhaan og 12.8 million ka tonelada matag tuig ang produksyon sa LNG.
Ang maong panghitabo nunot sa dako nga pagsaka sa mga presyo sa enerhiya sa kalibutan tungod sa pagkalangay sa suplay gikan sa Qatar
