BUTUAN CITY – “No Show” na usab si Vice President Sara Duterte sa pagdungog sa House of Representatives kagahapong adlawa alang unta sa 2025 budget hearing sa Office of the Vice President.
Sumala ni Minority Leader Marcelino Libanan, gikinahanglang motunga gayud ang Bise Presidente tungod kay importante man nga aspeto alang sa nasod ang pagdungog sa mga sa pondo sa matag ahensya.
Nasayrang pila ka oras gihulat sa mga kongresista ang presensya sa Bise Presidente apan wala gayud kini naka-abot, apan gipadayon gihapon ang budget deliberations nga milungtad og 17-oras kansa gisugdan kagahapon sa alas-10 sa buntag ngadto na sa kapin alas-2 karong kadlawon .
Gika-ulit ni Minority Leader Libanan ang kakulang sa komunikasyon ngadto na sa opisina sa bise presidente ug sa mga representante niini, kansa kulang ang mga dala nga otorisasyon arun unta nga makasuporta sa budget sponsor. Sa hinapos nga bahin sa deliberasyon, gibatikos ni Kabataan Representative Raul Manuel ang mga gipanghimo ni Vice President Sara ngadto sa plenary dayong tawag niining evasive.
Dugang sa kongresista, daw gustong ipaabot sa Bise Presidnete ngadto sa katawhan ga namahala na lang kini kung aprobahan ba sa kongreso ang iyahang budget o dili kansa maayo kung aprubahan, ug dautan usab kung dili.
Ang pamahayag ni Kabataan Representative Raul Manuel.
Una nang gikataho sa kongreso nga posibleng i-defer o e reschedule na usab ang pagdungog sa budget sa Office of the Vice President tungod sa wala pag sipot sa bise Presidente.
