BUTUAN CITY- Nagtuo si Vice President Sara Duterte nga ang State of the Nation Address kon SONA ni President Ferdinand “Bongbong” Marcos Jr. usa ka “waste of time” o pagsayang lang sa oras alang sa mga Pilipino.
Gani gitawag usab niini isip usa lamang ka “PR stunt” ang mga pamahayag ni President Bongbong Marcos batok sa korapsyon sa mga proyekto sa flood control. Samtang gipasiugda usab niini, nga wala pa’y bisan usa nga responsable ang napriso tungod sa maong mga iregularidad.
Sigon pa ni Duterte, dili mahimong ipalayp sa Presidente ang iyang kaugalingon sa mga gitawag nga ghost ug substandard nga mga proyekto tungod siya mismo ang mingpirma sa nasudnong badyet.
Dugang pa sa Bise Presidente, nga ang pagpirma sa mga budget insertion mahimong ikonsidera nga usa ka impeachable offense, ug nagpahayag usab kini og pagduhaduha sa saad sa administrasyon nga adunay mapanubag pinaagi sa pagkumpara niini sa wala matuman nga saad kaniadto nga mapakunhod ang presyo sa bugas ngadto sa P20 kada kilo.
