BUTUAN CITY – Gisugdan na ang verification process sa Comelec – Cabadbaran City ngadto sa mga kabarangayan sakop sa maong syudad mahitungod sa petition for recall nga gipasaka batuk ni Cabadbaran City Vice-Mayor Rey Jamboy.
Sa pakighinabi ning sibyahan, gibutyag ni Atty. Mark Christer Sorilla, Cabadbaran City Election Officer, ila nang gisugdan ning mi-aging adlaw ang pag-verify sa mga pirma sa mga supporting petitioners batuk kang Vice-Mayor Rey Jamboy.
Gani, 8 ka mga barangay na ang ilang nasugdan sa pag-verify kungdiin ila na kining gipadayon kagahapon ilabina nga hapsay ug malinawon ang unang adlaw sa maong proseso og mas nindot kini tungod kay aduna’y mga representante gikan sa duha ka kampo nga nag-obserbar sa ilang gihimo.
Mas transparent matud pa ang pamaagi nga ilang gihimo karon tungod kay mamahimong makita sa duha ka kampo ang gihimo nilang proseso sa verification kansa humanon lang nila sulod sa 6 ka adlaw. (Mon Aplaya)
