BUTUAN CITY – Malampuson nga nakasaka sa taas nga building sa Taiwan si American climber Alex Honnold nga walay gamit sama sa pisi, harness o uban pang safety equipment.
Ang Taipei 101 building duna’y gitas-ong 1,667 ka tiil ug gama sa asero, bildo ug konkreto.
Si Honnold naila isip unang tawo nga nakasaka sa El Capitan sa California nga walay gamit sa kaluwasan, nga adunay gitas-on nga 3,000 ka tiil nga bato sa Yosemite National Park.
Ang pagsaka unta buhaton niya niadtong Sabado pero na-postpone tungod sa ulan ug nahuman kini sa Domingo ug natapos niya ang pagsaka sulod sa usa ka oras ug 31 minutos ug nagkuha pa gyud og selfie sa ibabaw.
Gipahalipayan siya sa Bise-Presidente sa Taiwan nga si Hsiao Bi-khim, nga nagpasidaan kaniya nga delikado ug basin masakitan siya sa pagsaka.
Si Alain Roberts mao ang unang nakasaka sa Taipei 101 ug nahuman kini sulod sa upat ka oras.
