BUTUAN CITY – Usa ang patay samtang laing usa ang na-amnesia human ang vehicular accident kaganinang alas-dos sa kaadlawon sa lungsod sa Magallanes, Agusan del Norte.
Naila ang namatay nga si Charlito Bermudo, 39-anyos, residente sa maong lungsod samtang ang na-amnesia mao si Yvette Escalera, 24-anyos, residente sa Purok 6, Brgy. Buhang.
Nasayrang mu-adto unta sa terminal si Escalera aron kuhaon ang usa ka higala apan pag-abot niini sa Purok 4 sa maong baaranay, kalit lang matud pang mitabok ang naka-inom nga biktima hinungdan nga nabanggaan kini resulta sa parehong pagdala kanila sa community hospital sa ilang lungsod.
Gi-refer pa Cabadbaran District Hospital si Bermudo hangtud na sa Butuan Medical Center diin didto na kini nakabsan sa kinabuhi. (Beth Ruiz)
