BUTUAN CITY – Hawid na sa mga otoridad ang driver sa truck nga mibangga sa usa ka pamilya nga sakay sa motorsiklo, atul sa aksidente nga gilambigitan sa truck ug sedan sa Purok Matinabangon, Barangay Gimangpang, Initao, Misamis Oriental bandang alas 3:58 sa hapon kagahapong adlawa.
Sumala ni Police Investigator PCpl Ricky Alahon Jr. nga paingon sa Iligan City ang direksyon sa motorsiklo ug mi overtake kini sa usa ka sakyanan dihang gikasugat niini ang Isuzu wing van truck nga paingon usab sa dakbayan sa Cagayan de Oro, rason sa head on Collision
Human sa aksidente, ang wing van truck ang nabangaan usab sa Honda Civic Sedan nga gikan sa Tubod, Iligan City
Gikan matud pa sa party ang mga biktima sa lungsod sa Alubijuid, Misamis Oriental ug pauli na unta kini sa ilang lugar sa Dalamas, Iligan City.
Nadala pa sa balay-tambalanan ang mga biktima nga amahan, asawa niini ug tulo nila ka mga anak apan gideklarar kinng dead on arrival.
Atubangon sa driver sa truck ang kasong Reckless Imprudence Resulting to Multiple Homicide and damage to property
